د ایران ولسمشر په سعودي او امریکا سختې نیوکې وکړې

د ایران ولسمشر حسن روحاني  د دویم ځل لپاره د ولسمشر په توګه د ټاکل کیدو نه وروسته په خپله لومړنۍ خبري غونډه کې  په سعودي عربستان او امریکا  متحده ایالتونو ډیرې سختې نیوکې وکړې.

د ایران ولسمشر روحاني  پدې خبري غونډه کې  د واشنګټن لخوا پر ایران د توغندیو د ازمایښتونو نه لاس په سر شۍ  د غږ په اړه وویل« ایران چې کله  لازم وګوري  او اړتیا وویني  توغندي  ازمايي . پدې مسله کې  د امریکا نه  اجازې اخیستو ته اړتیا نلرو.»

هغه وویل چې  ایران  د بریدونو په خاطر  نه بلکې د ځان نه د دفاع په خاطر  توغندي  جوړوي. که چیرې  دا توغندي  جوړ نکړو ځینې برخې به په خپلو سرونو کې د ایران په اړه  غلط حساب او کتاب وکړي.

روحاني  په سعودي عربستان کې  د امریکا او اسلامي هیوادونو په سرمشریزه کې  پر ایران  د امریکا د ولسمشر دونالد ټرامپ  سختو نیوکو په ځواب کې وویل « د سعودي عربستان  دا سرمشریزه  یواځې د یو نمایش لپاره جوړوه شوې وه. دې  سرمشریزې  هیڅډول کوم  سیاسي هدف  او لاسته راوړنې  ندي درلودلي. د دا ډول نمایشونو جوړولو  او یا  د خپلو خلکو پیسې  یو سوپر طاقت  هیواد  ته په ورکولو سره  د ترهګرۍ ستونزه  حل کیږي نه. »

روحاني  وویل چې  واشنګټن  هیڅوخت  د ترهګرۍ پر وړانډې واقعي  مبارزه نده کړې. ځکه  هغه څوک چې  د ترهګرو نه ملاتړ کوي  هغه  هیڅکله د ترهګرۍ پر وړانډې د مبارزې کولو  د ادعا حق نلري.

روحاني  ددې پوښتنې په ځواب کې چې  سعودي عربستان د امریکا نه د میلیاردو ډالرو په ارزښت  وسلې رانیسي ، ایا  ددې په مقابل کې به تاسې د ایران نظامي پوتانشیل څه ډول  قوي کړۍ؟ داسې وویل ، عربستان کولی شي چې د امریکا نه  وسلې وپیري  خو  ایران دا وسلې پخپله تولیدوي. ایران پدې برخه کې د چا نه وسلو رانیولو ته  اړتیا نلري.