د پاکستان په سوابۍ کې په امنیتي ځواکونو وسله وال برید وشو

د پاکستان د خیبرپښتونخوا  د سوابۍ په سیمه کې  په پاکستاني ځواکونو وسله وال برید وشو.

د پاکستان د پوځ د معلوماتو له مخې د سوابۍ  د ملک آباد په سیمه کې  د عملیاتو پر مهال د پوځ په سرتیرو وسله وال برید وشو.

په برید کې  دوه تنه  پاکستاني سرتیرو ژوند دلاسه ورکړ. د وژل شوو سرتیرو نه یو تن يي  کپټان وو.

د پاکستان د پوځ  د مطبوعاتي  دفتر لخوا په خپره شوې خبرپاڼه کې  ویل شوي دي چې امنیتي ځواکونه د ملک آباد په سیمه کې  په عملیاتو بوخت ول چې په ناڅاپي ډول پرې  وسله وال برید وشو.

د برید نه وروسته نښته پیل شوه چې په ترڅ کې دوو تنو پاکستاني سرتیرو ژوند د لاسه ورکړ.

په خبرپاڼه کې راغلي دي چې د وژل شوو سرتیرو نه یو تن کپټان وو.د برید نه وروسته  ګن شمیر امنیتی ځواکونه  د پيښې سیمې ته استول شوي دي. په سیمه کې  د برید کوونکو  د نیولو په خاطر عملیات دوام لري.

د یادولو وړ ده چې  تیره ورځ هم  د پاکستان د خیبرپښتونخوا ایالت د مهمند ایجنسۍ په سیمه کې د پاکستاني ځواکونو په دریو جلا جلا پوستو  په عینې وخت کې  وسله وال بریدونه وشول.

پدې بریدونو کې  لږ تر لږه  ۵ تنو پاکستاني سرتیرو ژوند د لاسه ورکړی وو.