د هند او پاکستان ترمنځه  اړیکې  لا پسې خړې شوي دي.

د هند او پاکستان ترمنځه  اړیکې  لا پسې خړې شوي دي.

پاکستان د خپل هیواد نه  د یو تن هندي ډیپلوماټ  د شړولو  پریکړه وکړه. د پاکستان  د بهرنیو چارو وزیر  اعلان وکړ چې  د یو تن هندي ډیپلوماټ د شړولو پریکړه شوې ده.

د پاکستان د بهرنیو چارو وزارت  په اسلام آباد کې د هند د سفارت  یو تن ډیپلوماټ  سورجیت سنګ  د نامطلوب  کس په توګه  اعلان کړ او هغه ته يي  د ۴۸ په دننه کې د پاکستان نه د وتو  مهلت ورکړ.

ددې په مقابل کې  هندوستان هم  په نوې ډیلۍ کې  د پاکستان د سفارت  د یو تن ډیپلوماټ د شړولو پریکړه وکړه.

د هند  د بهرنیو چارو د وزارت ویاند  بیا  پاکستاني ډیپلوماټ  په هند کې د جاسوسۍ  په تور تورن کړ  او وویل چې  پاکستاني ډیپلوماټ  د جاسوسي فعالیتونو د ترسره کولو له امله  د نامطلوب شخص په توګه اعلان شوی  او هند نه يي د شړولو پریکړه شوې ده.