دا ځکه چې ...

په نننۍ خپرونه کې به پر یو داسې فزیکي فعالیت خبرې وکړو چې زموږ له روغتیا سره نږدې تړاو لري. "زه هره ورځ په منظمه توګه قدم وهم ځکه چې زما روغتیا ته ګټه رسوي."

زموږ په بدن کې سیسټمونه په خپل منځ کې او د یو بل په مینځ کې همغږي کار کوي. په یو ډول، د روغتیا کلمه د دې همغږي تعریف دی. په فعالیت کې خنډونه د ناروغیو لامل کیږي. نن ورځ، طبي نړۍ د ناروغیو په وړاندې د مخنیوي لپاره، او همدارنګه د ناروغیو درملنې میتودونو باندې تمرکز کوي. د دې هدف لپاره، دا وړاندیزونه رامینځته کوي چې د خلکو فزیکي فعالیتونه، تغذیه او د خوب نمونې ډیر اغیزمن کړي. منظم قدم وهل یو له هغو فعالیتونو څخه دی چې د ټول بدن په حرکت راولي او د ډیرو ناروغیو مخنیوی کوي.

د روغتیا نړیوال سازمان سپارښتنه کوي چې هرڅوک باید، د عمر په پام کې نیولو پرته، په اونۍ کې لږ تر لږه دوه نیم ساعته مزل وکړي. د سازمان په وینا، په ورځ کې نیم ساعت پیاده مزل وکړۍ، په اونۍ کې درې نیم ساعتونه بشپړ کړئ. ځکه چې منظم قدم وهل په ډیری برخو کې کلیدي رول لوبوي ، په ځانګړي توګه د زړه روغتیا. قدم وهل د وینې جریان تنظیموي، د میټابولیزم ګړندي کولو سره د اضافي وزن د مخنیوي لپاره ترټولو مؤثره میتود ګڼل کیږي. پیاده مزل هم زموږ د عضلاتو او مفاصل سیسټم غوره ملګری دی ځکه چې دا عضلات پیاوړي کوي او د مفاصلو انعطاف زیاتوي. مطالعې ښیي چې زموږ د بدن معافیت، چې په منظمه توګه کار کوي، د پیاده مزل سره کار لا منظم کیږي.

راځئ چې په ګوته کړو چې منظم پیاده روي یا قدم وهل نه یوازې زموږ د بدن لپاره بلکې زموږ د روح لپاره هم ګټور دی. د قدم وهلو په وخت کې د اندرفون هورمون کچه لوړیږي  او زمونږ  فشار کموي. زموږ سیسټمونه، چې د پیاده روۍ یا قدم وهلو  له لارې تنظیم شي، په دې توګه موږ ته د ښه کیفیت خوب کولو توان راکوي. د ورځې پیل د آرام بدن او پاک ذهن سره هم موږ ته د ښه احساس کولو فرصت راکوي. د خپلو ملګرو یا د کورنۍ له غړو سره زموږ تګ راتګ زموږ سره زموږ ټولنیز اړیکې پیاوړي کولو کې مرسته کوي.

نن ورځ، ګرځنده تلیفونونه او سمارټ واچونه زموږ د ورځني قدم وهلو  یا ګامونو شمیر محاسبه کوي. د همدې امله مونږ کولی شو چې په ډیرې اسانۍ سره هغه واټن معلوم کړو چې مونږ په ورځ کې په پلي کوو وهو.

زه هره ورځ قدم وهم یا پیاده روي کوم ځکه چې دا زما د صحت لپاره ډیر زیات ګټور دی.