دا ځکه چې

د ۲۰۲۴ کال په اوږدو کې به مونږ تاسې ته ددې خپرونې  په واسطه زموږ د ورځني ژوند پورې اړوند د مختلفو چلندونو په اړه خبرې وکړو، چې معنی یې کله ناکله هیریږي ځکه چې دا په مکرر ډول تکراریږي، او ځینې وختونه  پرې ټینګار نه کیږي. موږ به هڅه وکړو چې دا ښکاره کړو چې ولې ځینې چلندونه باید ترسره شي او ولې د ځینو چلندونو د کولو نه باید ډډه وشي. همداشان پدې خپرونه کې به په هغه مسئلو چې  ډیری وختونه زمونږ د سترګو پر وړاندې وي خو مونږ ورته متوجه کیږو نه باندې تمرکز هم وکړو.

همداشان مونږ په ننۍ خپرونه کې ولې باید اوبه، چې زموږ د ژوند سرچینه ده، په احتیاط سره وکاروو پوښتنې ته ځواب لټوو.

اوبه زموږ په ژوند کې ډیر لوی او حیاتي ځای لري. په مجازي  توګه نه، بلکې په حقیقي توګه. زموږ د بدن شپیته سلنه او زموږ د نړۍ شاوخوا ۷۰ سلنه اوبه تشکیلوي. تر اوسه پورې ساینسي څیړنې ښیي چې اوبه یوازې زموږ په سیاره کې د مایع په بڼه شتون لري. ورته څیړنې ښیي چې ژوند زموږ نړۍ ته ځانګړی دی. د معلوماتو دا دوه ټوټې زموږ لپاره کافي دي چې پرته له کوم بل وسیلې څخه د ژوند سره د اوبو اړیکې درک کړو.

که څه هم د نړۍ درې پر څلورمه برخه له اوبو څخه تشکل ده، خو یوازې دوه نیم سلنه یې خوږې اوبه دي. که څه هم پاتې مالګېنې اوبه زموږ د سیارې د ژوند لپاره مهمې دي، خو د انسان بقا د دې محدودو خوږد اوبو پورې تړلې ده. موږ پوهیږو چې د ورځې شاوخوا ۲ لیټره اوبو څښلو پرته د سالم ژوند ژوند ناممکن دی. سربیره پردې ، موږ پدې وروستیو کې یو ځل بیا د COVID-19 ناروغۍ سره زموږ د روغتیا لپاره د بدن او چاپیریال پاکوالي اهمیت  لا په ښه توګه درک کړ.

په عصري نړۍ کې، په ځانګړې توګه د ښار په ژوند کې، اوبو ته لاسرسی خورا اسانه دي. شاید له همدې امله موږ د هغه څه په ارزښت نه پوهیږو چې موږ یې لرو. هرکله چې موږ نل خلاصوو، موږ فکر کوو چې موږ پاکې اوبه لرو او دا اوبه هیڅ نه خلاصیږي. په هرصورت، د نړۍ د اقلیم بدلون ، د اوبو ککړتیا  او  د غیر پلان شوي صنعتي کیدو له امله رامینځته شوي وچکالۍ لا دمخه د خپلو منفي اغیزو په ښودلو پيل کړی دی. ملګرو ملتونو اعلان وکړ چې په نړۍ کې له هرو دریو کسانو څخه یو یې د څښاک پاکو اوبو ته لاس رسی نه لري او که اوسني حالات همداسې دوام وکړي، تر ۲۰۵۰ کال پورې به نږدې شپږ میلیارده خلک په داسې ځایونو کې ژوند وکړي چې اوبه په کال کې لږ تر لږه د یوې میاشتې لپاره محدودې وي.  

که چیرې مونږ د یو بامسئولیته انسان په توګه خپل او خپلو راتلونکو نسلونو ستونزو ته لږ هم دقت وکړو دا مونږ دې ته اړ کوي چې نن ورځ مونږ د اوبو سرچینې په ډیر احتیاط سره مصرف کړو. که چیرې له ځان سره دا فکر وکړو چې په ننۍ ښاري ژوند کې چې اوبه د هر څه په پرتله لا ډیر اهمیت لري یواځې د یوې اونۍ لپاره نوي ، ایا مونږ به د څه ډول ستونزو سره مخامخ شو. همداشان خبره د هغې پوښتنې ځواب دی چې مونږ ولې باید اوبه په احتیاط سره مصرف کړو. دا ځکه چې د اوبو زیرمې او سرچینې د خلاصیدو د ګواښ سره مخامخ دي. دا ځکه چې په نړۍ کې د انسانانو د نفوس د ډیریدو له امله د اوبو مصرف هم ډیر شوی دی . مونږ چې "زه اوبه په احتیاط سره کاروم ځکه ."

د ویلو ده چې اوبو د اهمیت او ارزښت به اړه په قرانکریم کې هم ډیر زیات ټینګار شوی دی. الله تبارک و تعالی په قرانکریم کې په مکرر ډول سره فرمایلي دي چې د مخلوقاتو د دوام لپاره اوبه ډیرې مهمې دي. همداشان د هر څه د اسراف په څیر د اوبو اسراف هم منع شوی دی. ځکه چې الله تبارک و تعالی فرمایي چې اسراف کوونکي نه خوښوي.