ایا تاسې پدې پوهیدلۍ

ایا تاسې پدې پوهیدلۍ

ایا  پوهیږۍ  چې د تورکیې د شاتو د تولید څلورمه برخه په موغلا ولایت کې تولیدیږي؟

شات له پخوانیو وختونو راهیسې د انسانانو لپاره یو له خورا مهم خوراکي سرچینو څخه دی.  تورکیه په  نړۍ  کې او د شاتو د تولید یوه مهمو مرکزونو څخه دی. همداشان  د تورکیې د موغلا ولایت شات  بیا د تورکیې سربیره په نړۍ کې هم ځانګړی شهرت لري. د تورکیې او نړۍ د شاتو لویه برخه پدې ولایت کې تولیدیږي. موغلا ولایت د ژمي‌ په موسم کې هم د معتدله او نرمې هوا سره، د مچیو پالونکو لپاره  د کال په اوږدو د ډول ډول ګلانو سره  تر ټولو ښه سرچینه ده. په ورته وخت کې د لیمو، مالټو ، کینو  او بادامو باغونه  د سیمه ایزو مچیو پالنې لپاره خورا مهم دي. د سیمې بله شتمني د د سویټ ګم  ونې دي. د اناتولین سویټګم ونې ګرده ، کوم چې د ونې اصلي ډول دی او د موغلا په ولسوالیو کې وده کوي ، د خپل انټي سیپټیک ځانګړتیا سره خورا ارزښت لري. په هرصورت، د نخترو  لوی ځنګلونو له امله، د موغلا د مچیو اصلي محصول د نخترو او جلغوز شات دی.  موغلا په سیمه کې د شاتو تولید د ښار د تاریخ په څیر زوړ دی.

د  نخترو شات یو ځانګړي شات دی چې مچۍ د ګلانو له ګردې څخه نه بلکې د  د مدیترانې په سیمه کې  د خاصو نخترو ونو په تنو کې میشتو  حشراتو  نه په استفادې سره تولیدوي. دغه حشره یواځې په تورکیه کې خاصو د سرو نخترو او حلب په نامه په نخترو ونو کې ژوند کوي.

نږدې ټول هغه شات چې د تورکیې لخوا صادریږي د نخترو شات دي. د د نخترو  شات د درملو او خواړو صنعت کې پراخه کارونې لري ، ځکه چې دا د اوږدې مودې لپاره کرستالیزه کیږي نه  .د تور رنګ لرونکي موغلا د شاتو ځانګړتیا دا ده چې په دې کې شدید معدني مواد لکه اوسپنه، منګنیزم او زنک شامل دي. مطالعاتو دا هم څرګنده کړې چې په موغلا کې تولید شوي د نخترو شات خورا لوړ انټي مایکروبیل اغیز لري.