په اروپا کې د نیوفاشیزم  د خپو غږونه  اوریدل کیږي

 ددې اوونۍ په خپرونه کې  په اروپا کې د ترکیې او مسلمانانو پر خلاف  د روانو ضد انساني او ضد اخلاقي  چلندونو په اړه  د لومړي وزیر مرستیال نعمان کورتولموش  مرکې ته ځای ورکړی دی .

د هیواد د لومړي وزیر مرستیال او د حکومت  ویاند  نعمان کورتولموش  په اروپا کې د ترکیې او مسلمانانو پر خلاف  د روانو پرمختګونو په اړه ویلي دي چې « په اروپا کې د نیوفاشیزم  د خپو غږونه  اورو.»

هغه  دا مرکه  د اناتولیا خبري اژانس  سره  کړې ده. هغه په اروپا کې د ترکیې او ترکي سیاستوالو په اړه  د اروپايي هیوادونو  د چلند په اړه  د پوښتنې په ځواب کې ویلي دي

« لکه څرنګه چې  ټوله نړۍ  شاهده  اروپا نن ورځ  د ترکیې  مشروع حکومت غړیو، وزیرانو او د پارلمان وکیلانو ته  د غونډو  او وینا  اجازه نه ورکوي  خو د پې کاکا ترهګرې ډلې  پلویانو ته  د پولیسو  د نظارت  او څار لاندې  د هر ډول  لاریون ، غونډې  او مظاهرې اجازه ورکوي. دا هیوادونه  په ښکاره توګه  د اپریل په ۱۶ مه په ترکیه کې اساسي قانون د بدلون په خاطر  د ترسره کیدونکې ټولپوښتنې سره  مخالفت کوي. ده  خبره د منلو وړ نده. »

هغه په اروپايي هیوادونو غږ وکړ چې  خپل سر خپل ګریوان  ته ښکته کړي.  د ترهګرو  ترمنځه توپیر شتون نلري. په ترهګرو ترمنځه ښه ترهګر او بد ترهګر شتون نلري.

هغه زیاته کړه که چیرې  اروپا د پې کاکا ترهګرې ډله پدې اندازه  ونازوي، تقویه  او  تمویل کړي  یوه ورځ نه یوه ورځ  به ددوې د ځان بلا وګرځي. یوه ورځ نه یوه ورځ به اروپايي سیاستوالو ته  ضرر ورسوي. لکه څرنګه چې  ترننه پورې رسولی دی. اروپا باید د اولوف پالمي  جنایت  هیر نکړي. په ۱۹۸۶ کال کې د سویډن  تر ټولو  ډیموکراټ  او منځلاری  سیاستوال  پالمي  د پې کاکا ترهګرې ډلې لخوا ووژل شو. ددې احتمال  شتون لري چې د پې کاکا قاتله  ترهګره  ډله  یو ځل بیا  د اروپا  په زړه کې اروپايي سیاستوال په قتل ورسوي.

هغه زیاته کړه چې  نن ورځ  په اروپا کې روانو پرمختګونو ته په کتو سره  د نیونازیزم، نیوفاشیزم  او  افراطي توکمپالۍ  د خپو غږونه  اوریدل کیږي. لکه څرنګه چې  پوهیږۍ اروپا  په ډیر نږدې ماضي  کې  هم د هټلر  او هم  د موسولوني  نه  ډیر زیات  ظلمونه  لیدلي دي. که چیرې  د لومړنۍ او دویمې نړۍوالو جګړو ترمنځه  د اروپا تاریخ ته  دقت وکړو  پدې موده کې  په اروپا کې ستر قتل عامونه  شوي  او ډیرې زیاتې وینې تویې شوي دي. ددې وینو د تویدو  یواځنی لامل  افراطي  توکمپالنه وه.

هغه وویل پدې وروستیو کې  ځینو  اوازې  شتون لري چې اروپايي هیوادونه غواړي چې  په اروپا کې په میشتو ترکانو  د اپریل په ۱۶ مه په ترکیه کې په ترسره کیدونکې ټولپوښتنه کې د ګډون  او رای اچونې  مخه ونیسي. خو مونږ  په ټولو دا غږ کوو چې هیڅ طاقت  په اروپا کې د میشتو ترکانو  په رای اچونه کې د ګډون د مخنیوي توان نلري.

لومړي وزیر مرستیال د هغه ادعاګانو په ځواب کې چې ګواکې  په ترکیه کې په نوي سیاسي او حکومتي سیستم  یعنې په ریاستي  سیستم کې هیڅوک د ولسمشر د کنټرول  صلاحیت نلري  داسې وویل « دا ادعاګانې  ټولې د حقیقت نه لرې  او درواغ دي. برعکس په نوي سیستم کې  ولسمشر د لا زیاتو صلاحیتونو ترڅنګ  لا زیات مسئولیتونه هم لري. ولسمشر  هیڅوخت  د قانون  د تصویبولو صلاحیت نلري. د ولسمشر لخوا صادریدونکي  تقنیني فرمانونه به  د قوانینو سره په ټکر کې نوي. »

په قوانینو کې هم  سلسې مراتب  شتون لري. تقنیني فرمانونه بیا  پدې سلسې مراتب کې تر ټولو په لاندې  طبقه کې قرار لري.

یعنې  دا فرمانونه  د وزیرانو د شورا د حکمونو په څیر  دي. په نوي حکومتي  سیستم کې  لومړی وزیر شتون نلري  او اجرایې قویې مشري ولسمشر ته ورکول کیږي. د همدې امله  ولسمشر  هیڅ فرمان به د قانونونو سره په ټکر کې نوي.

هغه وویل چې په ترکیه کې ددینه وروسته ولسمشر په مخامخ ډول  د ملت لخوا ټاکل کیږي. ولسمشر به  د پنځوس جمع یو رایې په اساس ټاکل کیږي. ولسمشر به  کابینه جوړوي. په نوي سیستم کې ولسمشر لا زیات  د خلکو سره  اړیکې ټینګوي  او خلکو  غوښتنې  او توقعات  اوري  ځکه چې  ولسمشر د خلکو لخوا ټاکل کیږي. دا مسله په اصل کې  مخالفو ګوندونو ته هم  ډیر لوی فرصت  ورکوي.

د لومړي وزیر مرستیال  هغه ادعاګانې چې  د ترکیې حکومت  ۳ میلیونو تنو سوري کډوالو ته د ترکیې تابعیت ورکوي  په کلکه توګه رد کړې. هغه وویل چې دا ډول ادعاګانې او پروپاګڼد  په کامله توګه  صحت نلري  او د حقیقت نه لري دي.

دا  په کامله توګه  درواغ  دي. مخالف ګوندونه  غواړي چې ددې ډول  بې بڼسټو او ناسمو ادعاګانو سره  د خلکو اذهان  خراب کړي.

هغه وویل چې ترکیه نن د څه باندې  ۳ میلیونو تنو سوري کډوالو کوربه دی. دې خلکو ته يي  خپلې دروازې پرانیستې دي او په خپل هیواد کې ورته ځای ورکړی دی . ددې کډوالو هر ډول  روغتیايي او ټولنیزې اړتیاوې  پوره کوي. خو  دا کډوال هم  زمونږ ورورنه دي . خو مونږ  غواړو چې دوې په خپل هیواد کې  د هوسا او سوکاله  ژوند ولري. د همدې په خاطر  هلې ځلې کوو.

هغه زیاته کړه چې ترکیې څه باندې  ۳ میلیونو تنو کډوالو ته  ځای ورکړ. زمونږ  هیوادوالو دې کډوالو سره  د خپلې خولې  ډوډۍ  وویشله. تاسې وګورۍ  که چیرې  پدې اندازه  کډوال یو بل هیواد  یا اروپا ته تللي وی  هلته به لویې ټولنیزې ستونزې رامنځته شوي وی  خو  د الله  په مرسته او د ترکیې  د میړانه ملت په ملګرتیا په ترکیه کې هیڅډول ستونزه  نده رامنځته شوې .

ترکیې د خپلو دې ورورنو نه  د ډیر ورین  تندي  سره هر کلی کړی او ښه  کوربه توب او میلمه پالنه ترینه کړې ده .

هو  کیدای شي چې  کوچنې  ستونزې رامنځته شوي وي  خو  د الله په مرسته  دا ټول حلیږي. د سوري کډوالو مسله د ترکیې لپاره ټولنیزه ستونزه نده رامنځته کړې.

اوس  باید  ددې ملت ددې میلمه پالنې  او ښه کوربه توب سره  څوک  باید ملنډې ونه وهي. سوري کډوالو ته  د ترکیې د تابعیت  ورکولو کومه مسله شتون نلري.

دوی ټول  زمونږ  ورورونه  او دوستان دي.

مرستیال لومړي وزیر د اروپا لخوا د کودتاچیانو نه د ملاتړ په اړه د پوښتنې په ځواب کې داسې وویل «  دا یوه ډیره لویه خطا  ده . د ځینو اروپايي هیوادونو لخوا فتح الله ګولن ترهګریز سازمان غړیو ته پناه ورکول  په اصل کې  په ښکاره توګه ددې ترهګرې ډلې نه د ملاتړ په معنا  دی. دا مسله د منلو وړ خبره نده.

اروپا باید  هر څه ژر  دا  کودتاچیان  ترکیې ته وسپاري. ځکه چې ترکیه  ددې هیوادونو سره  اتفاق  او  د دوستۍ اړیکې لري.