په افغانستان کې تیرې شپې زلزلې په ګاونډ هیواد پاکستان کې په لسګونو تنو ته مرګ ژوبله اړولې
د افغانستان په هندوکش سیمه کې پرون ماسخوتن د ریښتر په کچه ۶.۵ درجې په شدت سره د زلزلې له امله په ګاونډي هیواد پاکستان کې هم په لسګونو تنو ته مرګ ژوبله اړولې ده.
د افغانستان په هندوکش سیمه کې پرون ماسخوتن د ریښتر په کچه ۶.۵ درجې په شدت سره د زلزلې له امله په ګاونډي هیواد پاکستان کې هم په لسګونو تنو ته مرګ ژوبله اړولې ده.
د پاکستاني مقاماتو په وینا د زلزلې ټکانونه د افغانستان پولې ته څېرمه د پاکستان په خيبر پښتونخوا او یو زیات شمیر نورو ایالتونو کې هم په ډیره قوي توګه محسوس شوي دي.
په خېبر پښتونخوا کې د زلزلې د قوي ټکنانونو په نتیجه کې د مړو شمېره ۹ ته رسېدلې او تر ۱۶۰ ډېر کسان ژوبل شوي دي. په وژل شویو کې دوه ښځې او دوه ماشومان هم شامل دي.
په دغه ایالت کې تر اوسه د ۱۹ کورونو د زیان لیدولو نه خبر ورکړ شوی دی.
په افغانستان کې د زلزلې له امله لږ تر لږه درې تنو ژوند د لاسه ورکړی دی.
د ویلو ده چې زلزله د افغانستان په پلازمینه کابل، کونړ، لغمان، بدخشان، تخار،نورستان ، پنجشیر او ځیني نور ولایتونه هم لړزولي دي.
ویل کیږي دا زلزله د مځکې لاندې په ۱۸۸ کیلومترۍ ژوروالي سره رامنځته شوې وه.
کارپوهانو ویلي دي چې ددې زلزلې له امله د ډیرو زیاتو ځاني او مالي تلفاتو د نه رامنځته کیدو لامل ډیره زیاته د مځکې لاندې رامنځته کیدل دي.
همداشان دې زلزلې د افغانستان په ځانګړي ټوګه شمالي ګاونډي لکه تاجکستان، ترکمنستان، ازبکستان هم سخت لړزولي دي.
د طالبانو د حکومت ویاند ویلي دي چې د الله په فضل پدې زلزله کې ډیر زیانونه ندي رامنځته شوي .
د امریکا د جیولوژیکي سروې ادارې له خوا په خپره شوې خبرپاڼه کې ویل شوي، چې د ریښتر په کچه د ۶،۵ درجې زلزلې مرکز د افغانستان په شمال ختیځ کې د بدخشان ولایت د جرم ولسوالي وه.
د زلزلې ټکانونه د پاکستان په پلازمېنه اسلام اباد، لاهور، راولپنډۍ، کوېټه، پېښور او یو شمېر نورو ښارونو کې احساس شوي دي.
د جنوبي امریکا هیواد چیلي په مرکزي برخه کې د ریښتر په کچه ۵.۶ درجې زلزله وشوه.
د چیلي په پوهنتون کې د زلزلې ملي مرکز په وینا، د ۵.۶ درجې زلزله، چې مرکز یې د هیواد په میلپیلا ښار کې و، په ځایی وخت د ماسپښین په ۲ بجو او ۳۸ دقیقو رامنځته شو.
د ځاني زیانونو په اړه څه ندي ویل شوي.
