د افغانستان د پروان په ولایت کې سیلاوونو په لسګونو تنو ته مرګ ژوبله اړولې

په افغانستان کې سیلاوونو یو ځل بیا  په لسګونو تنو ته مرګ ژوبله واړوله او په لسګونو کورونه يي ویجاړ کړل.

د باختر خبري  اژانس د خبر له مخې د پروان په سیاه ګرد او شینوارو ولسوالیو کې د سېلاوونو راوتلو له امله ۱۷ تنه مړه شوي،ګن شمېر نادرکه شوي او  لسګونه کورونه ویجاړ شوي دي.

 ځايي خلک وایي چې یوازې د شینوارو ولسوالۍ  د تیکمر په سیمه کې یو کلی چې ۳۰ کورنیو په کې ژوند کاوه په بشپړ ډول اوبو لاندې کړی.

سیمه ایزو مسئولینو ویلي دي چې کیدای شي چې د ځاني  تلفاتو شمیره نوره هم لوړه شي.

همداشان سیمې ته د لازمو مرستو د رسولو په اړه چارې پيل شوي  دي.