د پکتیکا ولایت د ګیان ولسوالۍ یو ځل بیا یوې ډیرې زورورې زلزلې ولړزوله

په پکتیکا ولایت کې ډیره قوي زلزله رامنځته شوې ده

1856446
د پکتیکا ولایت د ګیان ولسوالۍ یو ځل بیا یوې ډیرې زورورې زلزلې ولړزوله

د افغانستان د پکتیکا ولایت یو ځل بیا زورورې زلزلې ولړزو.

د ویلو ده چې پرون دوشنبه د چنګاښ ۲۷ مه نيټه د مازیګر په ساعتونو کې د پکتیکا او خوست ولایتونه زورورې زلزلې ولړزول.

زلزلې د پکتیکا د ګیان او زیروک په ولسوالیو کې او د خوست په ځینو برخو کې د پام وړ ځاني او مالي زیانونه رامنځته کړي دي.

د پکتیکا مقاماتو نن خبري رسنیو ته ویلي دي چې په سیمه کې د زلزلې ټکانونه دوام لري او د پرون راهیسې ۳۰ ټکانونه رامنځته شوي دي چې اوس هم دوام لري.

همداشان پدې زلزله کې یواځې د ګیان او زیروک په ولسوالیو کې د څه باندې ۳۰ تنو د ټپي کیدو نه خبر ورکړی شوی دی چې ولایت روغتونونو ته انتقال شوي دي.

په ټپیانو کې ښځې او ماشومان هم شتون لري.

د بله پلوه ځايي مسئولینو ویلي دي چې د ګیان ولسوالۍ د ږلۍ په کلي کې د زلزلې وروسته د مځکې نه ډاروونکې غږونه اوریدل شوي دي.

ځايي مسئولینو له حکومت نه سیمې ته سمدلاسه د یوې متخصصې ډلې د راستولو او ددې غږونو د څیړولو غوښتنه کړې ده .

د ځايي مسئولینو په وینا د سیمې خلک ددې غږونو له امله ډیر اندیښمن دي.



اړوند خبرونه