د افغانستان مزار شریف ولایت یو ځل بیا خونړیو چاودنو ولړزو.

 د افغانستان مزار شریف ولایت یو ځل بیا خونړیو چاودنو ولړزو.

د افغانستان په شمال کې د بلخ ولایت په مرکز مزارشریف کې دوه پرله پسې چاودنې وشوې.

د بلخ ولایت د پولیسو ویاند محمد اصف وزیري خبري‌ رسنیو ته ویلي‌ دي‌ چې نن پنجشنبه د اپریل د میاشتې ۲۸ مه نیټه د بلخ ولایت په مرکز مزار شریف ښار کې په دوو پرله پسې چاودنو کې له امله لږ تر لږه ۹ تنه مړه او ۱۳ تنه نور ټپیان شوي‌ دي.

ویاند ویلي دي‌ چې چاودنې د ښاري‌ ټرانسپورت د سجادیه او کانتینرها په تم ځایونو کې رامنځته شوي‌ دي.

عیني‌ شاهدانو بیا د مړو شمیره د لسو تنو نه لوړه ښودلې ده .

ویل کیږي‌ برید د شیعه میشتو سیمو په مساپروړونکو موټرو شوي‌ دي. د برید مسئولیت تر اوسه پورې چا په غاړه ندی اخیستی.

د ویلو ده چې یوه اونۍ مخکې د اپریل په ۲۱ مه نیټه هم په مزارشریف کې د شیعه ګانو په یو جومات بمي‌ برید شوی وو چې په نتیجه کې ډیرو زیاتو کسانو ته مرګ ژوبله اوښتې وه.