په افغانستان کې د خلقیانو د دورې د دفاع وزیر شهنواز تڼی په پاکستان کې ومړ.
د افغانستان پخوانی د دفاع وزیر شهنواز تڼې ومړ
په افغانستان کې د خلقیانو د دورې د دفاع وزیر شهنواز تڼی په پاکستان کې ومړ.
د سیمه ایزو رسنیو د خبر له مخې پخوانی دفاع وزیر شهنواز ټنی د ورپیښې شوې ناروغۍ له امله په پاکستان کې ژوند د لاسه ورکړی دی.
د شهنواز تڼي کورنۍ د هغه د مړینې پخلی کړی دی. کورنۍ ویلي دي چې ټنی د ورپیښې شوې ناروغۍ د درملنې په موخه دوه اونۍ مخکې د پاکستان پلازمینې اسلام آباد ته تللی وو چې نن دوشنبه د مارچ ۷ نیټه د سهار په ساعتونو کې ومړ.
د یادولو وړ ده چې شهنواز تڼي د دفاع وزیرۍ په دوره کې د ډاکټر نجیب پر حکومت پوځي کودتا وکړه چې دا کودتا ناکامه شوه.
نوموړی د کودتا نه وروسته پاکستان ته وتښتید .
شهنواز تڼی په ۱۳۲۸ لمریز کال کې د افغانستان د خوست په ولایت کې زیږدلی دی. تڼي پوځي زده کړې په کابل او روسیه کې کړي.
همداشان هغه د افغانستان د خلق ډیموکراټیک ګوند د مهمو غړیو نه یو وو.
هغه هیواد ته د راستنیدو نه وروسته یو ځل بیا په سیاسي فعالیتونو پيل وکړ. هغه د سولې د جنبش په نامه ګوند کړ او ددې ګوند مشري کوله.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی
