په کابل کې په ډزو کې په لسګونو تنو ته مرګ ژوبله اوښتې ده

 د افغانستان په پلازمینه کابل کې په هوايي ډزو کې لږ تر لږه ۱۷ تنه مړه او ۴۱ تنه نور ټپیان شوي‌ دي.

په کابل کې د ټي‌ آر ټي‌ خبریال ویلي‌ دي چې تیره شپه په کابل کې د پنجشیر ولایت د پریان ولسوالۍ  د طالبانو لخوا د نیول کیدو نه وروسته په کابل کې د خوښۍ هوايي ډزې وشوې.

پدې ډزو کې لږ تر لږه ۱۷ تنو ژوند د لاسه ورکړی او ۴۱ تنه نور ټپیان شوي‌ دي.

همداشان ځینو رسنیو د پنجشیر ولایت  د سقوط نه خبر ورکړ خو ځينو نورو بیا وویل چې ټول پنجشیر سقوط ندی کړی یواځې پریان  ولسوالي‌ طالبانو نیولې ده.

د بله پلوه  په پنجشیر کې نښتو دواړو خواوو ته د پام وړ ځاني‌ زیانونه اړولي‌ دي.