امریکا او انګلستان : طالبانو په کندهار ولایت کې د ملکي وګړو ډله ایزې وژنې کړي
په افغانستان کې د امریکا او انګلستان سفارتخانو طالبان پدې هیواد کې د ملکي وګړو پر ډله ایزو وژنو تورن کړل.
په افغانستان کې د امریکا او انګلستان سفارتخانو ویلي دي چې طالبانو د هیواد په سویل کې په کندهار ولایت کې د ملکي وګړو ډله ایزې وژنې کړي دي.
د امریکا او انګلستان سفارخانو دا خبره په خپره کړې ګډه اعلامیه کې کړې ده .
هغوې ویلي دي چې طالبانو په کندهار ولایت کې د غچ اخیستو په پار د ملکي وګړو ډله ایزې وژنې کړي چې کیدای شي په جنګي جنایتونو کې وشمیرل شي.
په اعلامیه کې ددې خبرې په ټینګار ویل شوي دي چې د کندهار ولایت د سپین بولدک په ولسوالۍ کې د ملکي وګړو د ډله ایزو وژنو مسئله باید وڅیړل شي او فاعلینو او مسئولینو نه يي باید حساب وپوښتل شي.
طالب مشران باید د خپلو وسله والو او قومندانانو لخوا د ترسره شوو دې جنایتونو ځواب ووايي.
پدې اعلامیه کې پر طالب مشرانو غږ شوی دی ، که چیرې تاسې اوس د خپلو جنګیالیو د کنټرول توان نلرۍ تاسې به وروسته په حکومتدارۍ کې هیڅ ونشې کړې.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی