په زابل کې ټرافیکي‌ پیښې ستره فاجعه رامنځته کړې ده

د افغانستان د پلازمینې کابل او کندهار په لویه لاره کې یو مساپر وړونکی بس موټر د یو باروړونکي‌ موټر سره د جنګیدو له ستره فاجعه رامنځته شوه.

د زابل ولایت امنیتي‌ چارواکیو ویلي‌ دي‌ چې دا پیښه تیره شپه د جلدک په سیمه کې رامنځته شوې ده .

یو مساپر وړونکی بس موټر د جلدک په سیمه کې د یو باروړونکي‌ موټر سره وجنګید چې په نتیجه کې ۱۴ تنو مساپرو ژوند د لاسه ورکړی او ۶ تنه نور ټپیان شوي‌ دي.

ویل کیږي‌ ددې موټر قربانیان ټول ټول کارګران دي‌ چې د مزدورۍ په موخه هلمند ولایت ته روان وو.

ددې پيښې لامل تر اوسه پورې معلوم ندی. د پیښې په اړه تحقیقات پيل شوي‌ دي.