د هرات ولایت د ملي امنیت د مرستیال پر موټر وسله وال برید شوی

په هرات کې ناپيژاندو برید کوونکو د ملي امنیت د مرستیال پر موټر برید کړی

1587895
د هرات ولایت د ملي امنیت د مرستیال پر موټر وسله وال برید شوی

– د افغانستان د هرات ولایت د ملي امنیت ریاست د مرستیال پر موټر وسله وال برید شوی دی.

سیمه ایزو رسنیو د هرات ولایت والي سید وحید قتالي له قوله لیکلي دي چې نن سهار د هرات په شمالي برخه کې د سید مختار په سیمه کې د ملي امنیت ریاست د مرستیال پر موټر د ناپیژانده وسله والو لخوا برید شوی چې په نتیجه کې دوو تنو ژوند د لاسه ورکړی دی.

والي ویلي دي چې د ملي امنیت مرستیال  د برید پر مهال په موټر  کې شتون نه درلود . په برید کې د هغه یو تن ساتونکی او موټر چلوونکي ژوند د لاسه ورکړی دی.

د برید مسئولیت تر چا په غاړه ندی اخیستی.



اړوند خبرونه