په هلمند کې چاودنه شوې

د افغانستان د هلمند ولایت په مرکز لښکرګاه ښار کې درنده چاودنه شوې ده .

د هلمند ولایت ځايي مقاماتو ویلي دي چې نن یکشنبه د فبروري ۲۱ مه نیټه د غرمې نه مخکې د لسو بجو په شاوخوا کې په لښکرګاه ښار کې د سړک د غاړې د ماین چاودنه شوې.

چاودنه په یو موټر شوې ده . د چاودنې په نتیجه کې یو تن مړ او ۱۴ تنه نور ټپیان شوي دي.

د هلمند ولایت روغتیايي چارواکیو ویلي دي چې پدې پيښه کې یو تن مړ او ۱۴ تنه نور ټپیان شوي دي.

د برید مسئولیت تر اوسه پورې چا په غاړه ندی اخیستی.