په هرات کې پر پولیسو او ملي اردو سرتیرو جلا جلا بریدونه شوي

د افغانستان د هرات په ولایت کې د ملي اردو د سرتیرو پر موټر وسله وال برید شوی دی.

د هرات ولایت د پولیسو ویاند خبري رسنیو ته ویلي دي چې نن  د چار شنبې ورځ د جنوري ۲۰ د سهار په وختي ساعتونو کې د ملي اردو د سرتیرو پر موټر د ناپیژاندو موټرسایکل سپرو برید کوونکو لخوا وسله وال برید شوی دی.

د ویاند په وینا پدې برید کې د ملي اردو ۳ تنو سرتیرو ژوند د لاسه ورکړ او ۴ تنه نور ټپیان شوي دي.

د بله پلوه تیره شپه په هرات ولایت کې د پولیسو پر یوې پوستې برید کړی چې په نتیجه کې ګن شمیر پولیس ټپیان شوي دي.

د هرات د پولیسو ویاند ویلي دي چې پرون سې شنبه د شپې په ناوخته ساعتونو کې د هرات ولایت د انجیل ولسوالۍ د مالان پله په سیمه کې د پولیسو پر پوستې چاودنه شوې ده چې په نتیجه کې ۶ تنه پولیس ټپیان شوي دي.