په جلال آباد کې چاودنه شوې

د افغانستان په ختیځ ننګرهار ولایت په مرکز جلال آباد ښار کې چاودنه شوې ده .

د ننګرهار ولایت د والي ویاند عطاالله خوږیاڼي ویلي دي چې نن پنجشنبه د دسمبر په ۳۱ مه نيټه د جلال آباد ښار په لومړۍ ناحیې په مربوطاتو کې  ښځو باغ ترڅنګ په یو رینجر د سړک د غاړې ماین چاودنه شوې  ده. همداشان پدې چاودنه کې د رینجر سربیره یوه ریکشا هم زیانمنه شوې ده .

هغه پدې چاودنه کې د یو تن د وژل کیدو نه خبر ورکړی دی. همداشان پدې پيښه کې د عام نظم دوه تنه سرتیري هم ټپیان شوي دي.