د افغانستان د کابینې لسو نوماند وزیرانو د ولسي جرګې نه د باور رای ترلاسه کړه
د افغانستان ولسي جرګې د مالیې ، بهرنیو چارو ، دفاع ، کورنیو چارو ، عدلیې، کار او ټولنیزو چارو، مخابراتو او معلوماتي تکنالوژۍ، حج او اوقافو ، سوداګرۍ او لوړزو زده کړو چارو وزیرانو ته د باور رای ورکړه
د افغانستان ملي شورا نن پداسې حال کې د کابینې وزیرانو ته د اعتماد د رای ورکولو په خاطر عمومي غونډه وکړه چې سهار په کابل کې د څو چاودنو نه وروسته د کابل ښار په مختلفو سیمو ۲۳ راکټي بریدونه وشول.
د افغانستان ولسي جرګې لومړی د مالیې وزارت ته نوماند وزیر عبدالهادي ارغندیوال لپاره رای اچونه وکړه.
د مالیې نوماند وزیر عبدالهادي ارغندیوال د ولسي جرګې د ۲۴۶ رایو نه د ۲۰۵ موافقو، ۳۲ مخالفو ۹ ممتنع رایو په ترلاسه کولو سره د ولسي جرګې د باور رای ترلاسه کړه .
همداشان وروسته د بهرنیو چارو وزارت ته نوماند محمد حنیف اتمر لپاره د باور د رای ورکولو په خاطر رایې وکارول شوې.
محمد حنیف اتمر د ولسي جرګې د ۲۴۶ رایو نه د ۱۹۷ موافقو په ترلاسه کولو سره د باور رای ترلاسه کړه.
همداشان د ملي دفاع وزارت لپاره نوماند اسدالله خالد هم د ولسي جرګې د ۲۴۶ رایو نه د ۲۰۶ موافقو رایو په ترلاسه کولو سره د باور رای ترلاسه کړه.
د کورنیو چارو وزارت ته نوماند مسعود اندرابي بیا د ولسي جرګې د ۲۴۶ رایو نه د ۲۱۴ مواقفو ، ۲۵ مخالفو او ۷ سپینو رایو په ترلاسه کولو سره د باور رای ترلاسه کړه.
همداشان د عدلیې د وزارت لپاره نوماند وزیر فضل احمد معنوي د ولسي جرګې د ۲۴۶ رایو نه د ۲۲۰ موافقو، ۹ مخالفو او ۱۰ سپینو او ۷ باطلو رایو په ترلاسه کولو سره د باور رای ترلاسه کړه.
د افغانستان د مخابراتو او معلوماتي تکنالوژۍ وزارت ته نوماندې وزیرې معصومه خاوري هم د ولسي جرګې د ۲۴۶ موافقو ، ۶۷ مخالفو او ۲۵ سپینو رایو په ترلاسه کولو سره د باور رای ترلاسه کړه.
د مخابراتو او معلوماتي تکنالوژۍ وزارت ته نوماند وزیر عباس بصیر د ولسي جرګې د ۲۴۶ رایو نه د ۱۹۷ موافقو، ۲۲ مخالفو، ۱۳ سپینو او ۱۴ باطلو رایو په ترلاسه کولو سره د باور رای ترلاسه کړه.
د کار او ټولنیزو چارو وزارت ته نوماند وزیر بشیر احمد تینج د ولسي جرګې د ۲۴۶ رایو نه د ۱۹۰ موافقو ، ۴۰ مخالفو او ۱۶ سپینو رایو په ترلاسه کولو سره د باور رای ترلاسه کړه.
همداشان ولسي جرګې د افغانستان د حج او اوقافو وزارت ته نوماند محمد قاسم حلیمي ته هم د باوی رای ورکړه. محمد قاسمي حلیمې د ولسي د ۲۴۶ غړیو نه د ۱۴۸ تنو د موافقو رایو په ترلاسه کولو سره د ولسي جرګې نه د باور رای ترلاسه کړه.
ولسي جرګې د سوداګرۍ وزارت ته نوماند نثار احمد فیضي غوریاني ته هم د باور رای ورکړه. د سوداګرۍ نوماند وزیر د ولسي جرګې د په ننۍ عمومي جسله کې د حاضرو ۲۴۶ تنو وکیلانو نه د ۲۱۳ تنو د موافقو رایو په ترلاسه کولو سره د ولسي جرګې نه د باور رای ترلاسه کړه.
