په دایکندي ولایت کې پر ملکي وګړو خونړۍ چاودنه شوې
د افغانستان په مرکزي برخو دایکندي ولایت کې پر ملکي وګړو خونړۍ چاودنه شوې ده .
د ترلاسه شوو معلوماتو له مخې چاودنه د ملکي وګړو د سپرلۍ پر موټر شوې ده چې په نتیجه کې ۱۴ تنو ژوند د لاسه ورکړی دی.
د افغانستان د کورنیو چارو وزارت ویاند طارق آرین د ټولنیزې مډیا له لارې په خپور کړي پیغام کې ویلي دي چې په دایکندي ولایت کې د سړک د غاړې د ماین په چاودنه کې ۱۷ تنو ملکي وګړو ته مرګ ژوبله اوښتې ده .
هغه ویلي دي چې چاودنه د طالب ترهګرو لخوا په لویه لاره کې د ځای په ځای شوي ماین د ملکي وګړو په فلانکوچ موټر شوې ده چې په نتیجه کې ۱۷ تنو ته مرګ ژوبله اوښې ده.
هغه ویلي دي چې چاودنه د دایکندي ولایت د کجران ولسوالۍ د سلیمان آباد دښتې په سیمه کې رامنځته شوې ده .
د پیښې په قربانیانو کې ښځې او ماشومان هم شتون لري.
پدې پيښه کې ۱۴ تنه ملکي وګړو ژوند د لاسه ورکړی دی چې ۷ يي ښځې، پنځه تنه يي ماشومان او دوه تنه يي نارینه دي.
همداشان پدې پیښه کې ۳ تنه ټپیان شوي دي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی
