په غزني‌ کې په یو کور د هاوان توپ مرمۍ لګیدلې ده

د افغانستان په غزني‌ ولایت کې په یو کور د هاوان توپ مرمۍ د لګیدو له امله ګن شمیر ملکي‌ وګړو ته مرګ ژوبله اوښتې ده .

د غزني‌ ولایت ځايي‌ اوسیدونکو خبري رسنیو ته ویلي دي‌ چې د انډړو په ولسوالۍ کې په یو کور د هاوان توپ مرمۍ لګیدلې ده .

دا لا معلومه نده چې دا هاوان مرمۍ د کوم لوري‌ نه راغلې او د چا لخوا راتوغول شوې ده .

په پیښه کې د ښځو او ماشومانو په ګډون د یوې کورنۍ ۷ تنو غړیو ژوند د لاسه ورکړی او ۶ تنه نور ټپیان شوي‌ دي.

د برید مسئولیت تر اوسه پورې کومې ډلې په غاړه ندی اخیستی.