د افغانستان په ختیځ ننګرهار ولایت کې په مرکزي محبس ځانمرګی برید شوی دی.
په ننګرهار کې ځانمرګی برید شوی
د ننګرهار ولایت نه د ترلاسه شوي رپوټ له مخې نن د ماښام په ساعتونو کې د ننګرهار ولایت په مرکز جلال آباد ښار کې په مرکزي محبس د موټر پر مټ ځانمرګی برید کړی.
ویل کیږي د برید نه وروسته برید کوونکي د محبس ترڅنګ په کورونو او یوې پلازه کې ځای په ځای شوي او د امنیتي ځواکونو سره په نښته کې ښکیل دي.
د افغانستان د کورنیو چارو وزارت هم د برید پخلی کړی دی.
د بله پلوه د ننګرهار ولایت د والي ویاند عطاالله خوږیاڼي خبري رسنیو ته ویلي دي چې د ننګرهار په مرکزي محبس د موټر پر مټ د ځانمرګي برید نه وروسته د امنیتي ځواکونو او برید کوونکو ترمنځه نښته پیل شوې ده.
ویاند ویلي دي چې چاودنه د محبس په دخولي دروازه کې شوې ده . هغه ویلي دي چې درې تنه برید کوونکي د پولیسو لخوا د خپو غورځول شوي دي. د بله پلوه عیني شاهدانو ویلي دي چې د محبس پر سر چورلکې هم ګزمه وهي. عینې شاهدانو په محبس کې د اورلګیدنې او ځینې زندانیانو د تښتیدلو نه هم خبر ورکړی دی. ویل کیږي ځیني تښتیدلي زندانیان بیرته د پولیسو لخوا نیول شوي دي.
تر اوسه پورې پدې برید کې د ۲۳ تنو د وژل کیدو او ۴۲ تنو نورو د ټپي کیدو نه خبر ورکړ شوی دی.
د بله پلوه طالبانو دا برید په کلکه توګه رد کړی دی.
د طالبانو ویاند د ټولنیزې مډیا له لارې په خپور کړي پیغام کې دا برید رد کړی او ویلي دي چې برید ددوې لخوا ندی ترسره شوی دی.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی