په کندهار کې ځانمرګی برید شوی
د کندهار ولایت د شاه ولي کوټ په ولسوالۍ کې د پولیسو پر مرکز ځانمرګی برید شوی
د افغانستان په کندهار ولایت کې د شاه ولي کوټ ولسوالۍ د امنیې قومندانۍ ترڅنګ ځانمرګی برید شوی .
د کندهار ولایت نه د ترلاسه شوي رپوټ له مخې نن چار شنبه د جولای اتمه د سهار په څلورو بجو شاوخوا کې د شاه ولي کوټ ولسوالۍ د مقام او امنیې قومندانۍ ترڅنګ د موټر پر مټ ځانمرګی برید وشو.
د لومړنیو معلوماتو له مخې پدې برید کې لږ تر لږه ۴ تنه پولیس مړه او ۱۶ تنه نور ټپيان شوي دي.
د کندهار ولایت د والي ویاند بشیر احمد خبري رسنیو ته ویلي دي چې نن د سهار په وختي ساعتونو کې یو تن ځانمرګي برید کوونکي چې غوښتل د شاه ولي کوټ ولسوالۍ د امنیې پر قومندانۍ ځانمرګی برید وکړي د پولیسو لخوا د تشخیصیدو نه وروسته خپل هدف ته د رسیدو نه مخکې ویشتل شوی دی. ځانمرګي برید کوونکي د پولیسو د مرکز د نظام قرول په مخکې موټر ته چاودنه ورکړې ده .
پدې پيښه کې ۴ تنه پولیس مړه او د ملکي وګړو په ګډون ۱۶ تنه نور ټپیان شوي دي.
د برید مسئولیت تر اوسه پورې کوم ډلې په غاړه ندی اخیستی.
د شاه ولي کوټ ولسوالۍ د امنیې قومندان خبري رسنیو ته ویلي دي چې دا برید د یو پوځي موټر پر مټ شوی دی.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی