د افغانستان د روغتیا وزیر په کرونا ویرس اخته شوی دی

د افغانستان د عامې روغتیا وزیر فیروز الدین فیروز په کرونا ویروس اخته شوی دی. 

دا خبره د افغانستان د عامې روغتیا د وزارت ویاند وحیدالله مایار کړې ده.

هغه ویلي‌ دي‌ چې د ښاغلي‌ فیروز الدین فیروز د کرونا ویروس ټسټ مثبت وو او د همدې امله هغه قرنطین شوی دی.

د ویلو ده چې په افغانستان کې د کرونا ویروس د مثبتو پيښو شمیره ۳۵۶۳ ته او د مړو شمیره ۱۰۶ تنو ته رسیدلې ده.