په غور کې د افغان ځواکونو او طالبانو ترمنځه نښته شوې
د افغانستان د غور په ولایت کې د طالبانو او امنیتي ځواکونو ترمنځه په نښته کې لږ تر لږه درې تنو سرتیرو ژوند د لاسه ورکړی دی.
1323886
د غور ولایت والي غلام ناصر حفیظي خبري رسنیو ته ویلي دي چې امنیتي ځواکونو د دولت یار په ولسوالۍ کې د طالبانو پر خلاف عملیات ترسره کړل چې په نتیجه کې نښته پیل شوه.
پدې نښته کې ۳ تنو تنو سرتیرو ژوند د لاسه ورکړ او ۹ تنه نور ټپیان شول.
همداشان په عملیاتواو نښته کې لږ تر لږه ۲۳ تنه طالب اورپکي له منځه وړل شوي دي.
هغه ویلي دي چې د عملیاتو په نتیجه کې یو څو کلي د طالبانو نه په کامله توګه پاک شوي دي.
طالبانو بیا د نوموړو عملیاتو او نښتې په اړه تر اوسه پورې څه ندي ویلي .
د بله پلوه افغان ځواکونو په ارزګان ولایت کې د طالبانو په یو زندان چاپه اچولې چې په نتیجه کې ۳ تنه ترهګر وژلي او ۱۲ تنه بې ګناه کسان چې د طالبانو لخوا زنداني کړی شوي وو د هغوې د منګولو نه خوشې شوي دي.