په سرپل ولایت کې د یوې سترې فاجعې مخنیوی وشو

د سرپل ولایت امنیتي‌ ځواکونو د یوې ډیرې سترې فاجعې مخه ونیوله.

په سرپل ولایت کې د یوې سترې فاجعې  مخنیوی  وشو

د افغانستان  په شمال کې  د سرپل په ولایت کې  د یوې  سترې فاجعې مخه ونیول شوه.

د افغانستان د کورنیو چارو د وزارت ویاند  نصرت رحیمي‌ ویلي‌ دي‌ چې  د سرپل ولایت امنیتي‌ ځواکونو  د چاویدونکو توکو نه بار یو موټر  چې  چاودنې ته  چمتو  شوی  وو  کشف  او شنډ کړ.

د رحیمي‌  په وینا  پدې  موټر کې  زر کیلوګرامه  چاودیدونکي‌ توکي‌ ځای په ځای شوي‌ وو  او  دښمنانو غوښتل چې  دې موټر ته د سرپل ولایت په مرکز کې د ملکي‌ وګړو  په منځ کې  چاودنه ورکړي.

امنیتي‌ ځواکونو  ددې موټر د کشف  او شنډولو سره د سترې  خونړۍ پيښې  مخه ونیوله.

هغه ویلي‌ دي‌ چې  ددې  پیښې په تړاو یو تن  نیول شوی دی.



اړوند خبرونه