د افغانستان په پلازمینه کابل کې دوه چاودنې شوي دي.
په کابل کې دریمه چاودنه هم رامنځته شوه
د ویلو ده چې ددې چاودنو سره نن ورځ دا دریمه چاودنه ده چې رامنځته کیږي.
نن د سهار په ساعتونو کې د کابل د سلیم کاروان په سیمه کې یوه چاودنه شوې وه چې په پایله کې ۳ تنه ټپیان شوي وو.
همداشان نن د غرمې نه وروسته د څه باندې یوې بجې په شاوخوا کې د کابل د تایمني پروژې د پنځم سړک په سیمه کې دوه جلا جلا چاودنې وشوې.
ویل کیږي چاودنې د سړک په غاړه کې په ګلدانونو کې رامنځته شوي دي.
د افغانستان د کورنیو چارو د وزارت ویاند نصرت رحیمي د چاودنو پخلی کړی دی او ویلي دي چې په وروستیو دوو چاودنو کې چا ته ځاني زیان ندی اوښتی.
همداشان د چاودنو نه وروسته د ډزو غږونه هم اوریدل شوي دي خو دا لا معلومه نده چې دا ډزې د چا لخوا شوي دي.
د بله پلوه نن په کابل کې د پخواني جهادي قومندان احمد شاه مسعود د مړینې د ۱۸ م تلین او شهید اونۍ په خاطر جلا جلا پروګرامونه جوړ شوي دي.
د مسعود پلویانو سږ کال بیا هم د تیرو کلونو په څیر په وسلو سمبالو موټرو سره په ښار کې په ګرځیدو پیل کړی دی.
د مسعود پلویانو نن د غرمې نه مخکې د ټرافیک په جاده کې یو تن د ملي پوځ سرتیری په مخامخو ډزو وواژه.
د افغانستان د ملي دفاع وزارت ویلي دي چې ددې پیښې په تړاو يي ۶ تنه نیولي دي او تر ۳۰ ډیرې موټرې چې د خلکو ورځنۍ ژوند چارې د ستونزو سره مخامخ کړې وې نیولي دي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی