د فیض آباد ښاروال د یو جهادي مشر سره یو ځای ووژل شول
په فیض آباد کې په ښاروال چاودنه وشوه.
د افغانستان د بدخشان ولایت په مرکز فیض آباد ښار کې چاودنه وشوه.
د افغانستان د کورنیو چارو وزارت ویاند نصرت رحیمي خبري رسنیو ته ویلي دي چې نن د ماښام د شپږو بجو او لسو دقیقو په شاوخوا کې د فیض آباد ښار د مخابراتو د چمن په سیمه کې د یاد شوي ښار په ښاروال نذیر محمد نیازي چاودنه وشوه.
هغه ویلي دي چې چاودنه د ماین د چاودنې په پایله کې چې مخکې په سیمه کې ځای په ځای شوی وو رامنځته شوې ده.
پدې پیښه کې د فیض آباد د ښاروال سربیره یو تن جهادي قومندان هم ژوند د لاسه ورکړی دی او یو تن ملکي وګړی ټپي شوی دی.
د بله پلوه بدخشان والي بیا خبري رسنیو ته ویلي دي چې د چاودنې په سیمه کې د چاودنې نه لنډه موده مخکې د ولسمشرۍ نوماند ګلبدین حکمتیار ټاکنیز کمپاین غونډه جوړه شوې وه.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی