په هرات کې په وسله وال برید کې ټپي شوی د ایران د اهل سنت جبهې مشر ومړ
د ایران د اهل سنت جبهې مشر په هرات کې په وسله وال برید کې د ټپي کیدو نه وروسته په روغتون کې ساه ورکړه
1206329
د افغانستان د هرات په ولایت کې د تیرې جمعې پر ورځ په یو وسله وال برید کې سخت ټپي شوی د ایران د اهل سنت جبهې عمومي مشر ابراهیم صافي زاده په روغتون کې ساه ورکړه.
د هرات ولایت ځايي مقاماتو ویلي دي چې د ایران د اهل سنت جبهې مشر ابراهیم صافي زاده چې د تیرې جمعې په ورځ د نامعلومو وسله والو په برید کې سخت ټپي شوی وو په روغتون کې چې د درملنې لاندې وو ژوند د لاسه ورکړ.
د ایران د اهل سنت جبهه چې د ایران د رژیم سره په مخالفت مشهوره ده د ټولنیزې مډیا له لارې په خپور کړي پیغام کې د برید پړه پر ایران اچولې ده .
یادې شوې جبهې ویلي دي چې دا برید د ایران د رژیم لخوا شوی دی.
ابراهیم صافي زاده نږدې شل کاله مخکې د ایران د رژیم د ډیرو سختو فشارونو له امله افغانستان ته راکډه شوی وو.