د افغانستان په پلازمینه  کابل کې  د دویم ځل لپاره پر پولیسو  خونړی  برید وشو.

د کابل د پولیسو د اومې حوزې په سیمه کې پر پولیسو خونړی برید وشو

د افغانستان په پلازمینه  کابل کې  د دویم ځل لپاره پر پولیسو  خونړی  برید وشو.

 

د ویلو ده چې  تیره شپه د کابل ښار د  پولیسو د اومې حوزې په مربوطاتو کې د دوغ آباد په سیمه کې  طالبانو  د پولیسو په یوې پوستې خونړی برید وکړ چې په پایله کې  ۳ تنه پولیس مړه او ۳ تنه نور ټپیان شوي دي.

طالبانو  دا برید هله وکړه چې  پولیس  په روژه ماتې  ناست ول.

د افغانستان د کورنیو چارو د وزارت ویاند  نصرت رحیمي خبري رسنیو ته ویلي دي چې  تیره شپه  طالب ترهګرو  د پولیسو د اومې حوزې په مربوطاتو کې د دوغ آباد په سیمه کې  د پولیسو په یوې پوستې  پداسې حال کې برید وکړ چې  پولیس په روژه ماتې ناست ول.

هغه ویلي دي چې برید د ۶ تنو طالب ترهګرو لخوا شوی دی چې  په پایله کې ۳ تنو پولیسو ژوند د لاسه ورکړی  او ۳ تنه نور ټپیان شوي دي.

همداشان  پدې برید او نښته کې  دوه ترهګر وژل شوي او دوه تنه ټپیان شوي خو دوه تنه بیا په تیښته بریالي شوي دي.

د ویلو ده چې  تیره اوونۍ هم  د کابل ختیځ لورې ته  څرخي پله ته نږدې  طالبانو د پولیسو په یوې پوستې  برید کړی وو او پوسته يي په کامله توګه سوځولې وه.



اړوند خبرونه