په لغمان کې چاودنې ۱۵ تنو ماشومانو ته مرګ ژوبله اړولې

په افغانستان کې د ماینونو او ناچاودیدونکو مرمۍ د چاودنو له امله هر کال په سلګونو تنه ژوند د لاسه ورکوي

په لغمان کې چاودنې  ۱۵ تنو ماشومانو ته مرګ ژوبله اړولې

د افغانستان  په ختیځ  لغمان ولایت کې  د هاوان د یوې ناچاودیدلې مرمۍ  د چاودنۍ  په پایله کې  ۷ تنو ماشومانو  ژوند  د لاسه ورکړ.

د لغمان  ولایت د والي ویاند اسدالله دولتزي خبري رسنیو ته ویلي دي چې  د لغمان ولایت د مرکز مهترلام  په ښار کې  د یوې  ناچاودیدلې  هاوان مرمۍ  د چاودنې په پایله کې ۱۵ تنو ماشومانو ته  مرګ ژوبله واوښته.

هغه ویلي دي چې  پدې پيښه کې  ۷ تنو ماشومانو  ژوند  د لاسه ورکړی دی  او ۸ تنه نور ټپيان شوي دي.

ټپیان  په روغتون کې  د درملنې لاندې  نیول شوي دي . د ټپیانو  روغتیايي  حالت  ښه  دی.



اړوند خبرونه