د افغانستان د بادغیس په ولایت کې طالبانو ته ډیر ستر ګوزار ورکړ شوی دی.
په بالامرغ آب ولسوالۍ کې په لسګونو تنه طالب اورپکي وژل شوي دي
د افغانستان د ملي دفاع وزارت د بادغیس ولایت د بالامرغ آب په ولسوالۍ کې د لسګونو تنو طالب اورپکو د وژلو نه خبر ورکړی دی.
د دفاع وزارت په خپور کړي بیان کې ویلي دي چې د بالامرغ آب پ ولسوالۍ کې د تصفیوي او تهاجمي عملیاتو په لړ کې لږ تر لږه ۹۹ تنه طالب اورپکي وژل شوي او ۳۵ تنه نور ټپيان شوي دي.
په بیان کې راغلي دي چې د بالامرغ آب په ولسوالۍ کې ۴۸ ساعته مخکې پیل شوي تصفیوي او تهاجمي عملیات د خپل ټول شدت سره دوام لري. د عملیاتو په لړ کې تر اوسه پورې ۹۹ تنه طالب اورپکي له منځه وړل شوي او ۳۵ تنه نور ټپيان شوي دي.
همداشان د نوموړو عملیاتو په لړ کې د طالبانو اړوند یو زیات شمیر نقلیه وسایط، وسلې او مهمات هم د امنیتي ځواکونو لاس ته غورځیدلي دي.
د افغانستان د دفاع د وزارت لخوا په خپور شوي بیان کې راغلي دي چې پدې عملیاتو کې ۸ تنه د ملي اردو سرتیري او ۴ تنه هم د پولیسو سرتیرو ژوند د لاسه ورکړی او لس تنه د ملي اردو سرتیري او ۲۴ تنه هم د پولیسو سرتیري ټپيان شوي دي.
د ویلو ده چې طالبانو څو ورځې مخکې پدې ولسوالۍ د څو خواوو نه بریدونه پيل کړي وو او حتا ددې ولسوالۍ د نیولو ادعا يي هم کړې وه خو د افغانستان د دفاع وزارت بیا دا ادعا رد کړې وه. طالبانو په بالامرغ آب ولسوالۍ کې ۳۵ تنو افغان سرتیرو د وژلو او ګن شمیر نورو د اسیر نیولو ادعا هم کړې وه.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی