د امریکايي ځواکونو درې تنه افغان ژباړونکې ووژل شول

د پروان  ولایت نه د ترلاسه شوو معلوماتو له مخې  د امریکايي ځواکونو  په درې تنو ژباړونکو  هله برید وشو چې  وظیفې د ځای نه د خپلو کورونو پر لورې روان ول.

دا پیښه  پرون  رامنځته شوې ده.

د پروان ولایت د والي ویاند   وحید شاهکار  نن خبري رسنیو ته وویل چې د امریکايي ځواکونو درې تنه افغان ژباړونکې چې د بګرام په هوايي هډه کې  دنده ترسره کوله تیره ورځ  د خپل کور لورې روان ول چې  د نامعلومو وسله والو لخوا پرې برید وشو.

په پیښه کې  درې واړو  ژباړونکی  ژوند د لاسه ورکړی دی.

د برید مسئولیت  تر اوسه پورې  کومې ډلې په غاړه ندی اخیستی. د یادولو وړ ده چې پدې وروستیو میاشتو کې په افغانستان کې  د هدفي وژنو کچه  د پام وړ لوړه شوې ده.

د هدفي وژنو لړۍ  د هیواد په ډیرو ولایتونو کې پیل شوې ده . برید کوونکي  د هدفي وژنو لپاره ډیری  د موټر سایکل نه کار اخلي. دوه تنه په موټر سایکل سپاره راځي یو تن  برید کوونکي  او بل تن بیا  موټر سایکل چلوي. تر اوسه پورې  د نوموړو برید کوونکو نه  یو هم ندی نیول شوی.