طالبانو ته د خلیلزاد ځواب
زلمي خلیلزاد وویل، که طالبان د سولې په اړه د مذاکراتو غوښتنه کوي مذاکراتو ورسره کوو او که چیرې جګړه غواړي جګړه ورسره کوو.
د افغانستان لپاره د امریکا متحده ایالتونو د بهرنیو چارو د وزارت ځانګړي استازي زلمي خلیلزاد وویل، که طالبان د سولې په اړه د مذاکراتو غوښتنه کوي مذاکراتو ورسره کوو او که چیرې جګړه غواړي جګړه ورسره کوو.
خلیلزاد دا څرګندونې د افغانستان په پلازمینه کابل کې د امریکا په سفارت کې خبري کنفرانس ته وکړې. هغه ددې خبرې په ټینګار وویل چې د سولې د مذاکراتو په خاطر پر طالبانو باندې فشار راوستل ډیر مهم دي.
هغه وویل که چیرې طالبان د سولې په اړه مذاکراتو غوښتونکي وي مونږ ورته حاضر یو او که چیرې د جنګ کولو غوښتنه کوي ورسره جنګیږو.
هغه وویل چې د سیمې هیوادونه هم د سولې د مذاکراتو نه پوره ملاتړ کوي. انشاالله چې په نږدې راتلوونکې کې به پدې اړه نتیجې ته ورسیږو.
خلیلزاد وویل چې د طالبانو سره په مخامخ لیدنه کې دا ندي ویلي چې ګواکې په افغانستان کې امریکايي هډې تل پاتې دي. امریکا هم پدې اړه کوم نیت نلري.
هغه وویل چې امریکا د افغانستان سره اوږد مهال او قوي اړیکي غواړي. البته چې هم په سیاسي، هم په پوځي، هم په اقتصادي او هم په ډیپلوماتیکو برخو کې.
د ویلو ده چې د امریکا سره د طالبانو مذاکره کوونکي هیئت دوه ورځې مخکې ګواښ وکړ که چیرې امریکا د افغانستان نه د خپلو ځواکونو د ویستو نيټه معلومه نکړي او حالات په همدې شان دوام وکړي دوې به د مذاکراتو نه لاس واخلي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی