د کابل د تيرې ورځې په خونړي بريد کې په لسګونو تنو ژوند د لاسه ورکړی
په کابل کې نښته د بريد کوونکو په وژلو سره پايته ورسيده
د افغانستان په پلازمينه کابل کې د کار ټولنيزو چارو شهيدانو او معلولينو د وزارت د معينيت پر ودانۍ د تيرې ورځې د ډله ايز بريد د مرګ ژوبلې وروستۍ شميره اعلان شوه.
د افغانستان د عامې روغتيا وزارت ويلي دي چې پدې خونړي بريد کې ۴۳ تنو ژوند د لاسه ورکړی او تر شلو تنو ډير ټپيان شوي دي.
د عامې روغتيا وزارت وياند خبري رسنيو ته ويلي دي چې د پرون مازيګر راهيسې د نوموړي پيښې د ۴۳ تنو قربانيانو مړي روغتونونو ته راوړل شوي دي . هغه ويلي دي چې ۲۳ تنه هم ټپيان روغتونونو ت راوړل شوي دي چې د درملنې لاندې نيول شوي دي.
د ويلو ده چې پرون د مازيګر په ساعتونو کې يوې ډلې بريد کوونکو د کابل لومړي مکروريانو په سيمه کې د ټولګټو وزارت تر څنګ د شهيدانو او معلولينو د وزارت د معينيت پر ودانۍ ډله ايز بريد وکړ.
بريد کوونکو لومړی د معينيت په دروازې د موټر پر مټ چاودنه وکړه او وروسته نور بريد کوونکي ودانۍ ته ننوتل.
امنيتي ځواکونه سيمې ته راورسيدل او سيمه يي کلا بند کړه.
بريد کوونکي د ساعتونو ساعتونو جګړې نه وروسته له خپو وغورځول شول. د افغانستان د کورنيو چارو وزارت ويلي دي چې امنيتي ځواکونو د ياد شوي معينيت په سلګونو تنه کار کوونکي ژغورلي دي
د پيښه پداسې حال کې رامنځته کيږي چې د افغانستان ولسمشر د هيواد د امنيتي وضعيت د ښه کولو په خاطر دوه ورځې مخکې د دفاع او کورنيو چارو وزيران بدل کړل.
ولسمشر د افغانستان د ملي امنيت رياست دوه تنه پخواني رئيسان د دفاع او کورنيو چارو د وزيرانو په توګه وټاکل.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی