په افغانستان کې د پارلماني ټاکنو په خاطر د رای اچونې بهیر پیل شو

د افغانستان خلک  نن  د ولسي جرګې  لپاره  نوي  غړي  ټاکي.

نن  د افغانستان  خلک  د ولسي  جرګې د نوو غړیو د ټاکلو په  خاطر  د دولت د مخالفینو  د ټولو ګواښونو، تهدیدونو  او ګوتڅنډونو  سره سره  د رایو د صندوقونو پر لورې  روان دي.

په ټول افغانستان کې  پرته  د کندهار ولایت  نه  د رای اچونې  بهیر  پیل شوی دی. د افغانستان  د سولې  او ثبات  تګی  ملت  د سهار وختي  ساعتونو نه په اعتبار سره  د ملي  وجیبې د ادا کولو  او د خپلې  خوښې  استازي  د ټاکلو په خاطر د رای اچونې مرکزونو  پر لورې  لاړل.

د پلازمینې  کابل  او یو زیات شمیر ولایتونو نه د ترلاسه شوو معلوماتو او تصویرونو له مخې  خلک  په ډیر  شوق  سره  د رای اچونې د مرکزونو پر لورې  روان دي. د رای اچونې  د ډیری  مرکزونو  په مخکې  ډیر  لوی  لوی کتارونه جوړ دي.

د بله پلوه  د رای اچونې  په ځینو  مرکزونو کې  د تخنیکي  ستونزو له امله   د رای اچونې بهیر  د ځنډ سره  مخ شوی دی.

د افغانستان د حکومت د رسنیو دفتر او د ټولټاکنو خپلواک کمیسیون  د رای اچونې په ځینو مرکزونو کې  دا ستونزه منلې  ده  او ویلي  دي  چې دا خبره جبران کړي. د ټولټاکنو خپلواک کمیسیون ویلي  دي  په هغه مرکزونو کې  چې  د رای اچونې بهیر د تخنیکي  ستونزو له امله د ټاکل شوي  وخت نه وروسته  په کار پیل کړی وي  د رای اچونې  بهیر به  وروسته  پایته ورسیږي.