پکتیا په جاني خیلو ولسوالۍ کې په پوځي هډې خونړی برید شوی
د افغانستان د پکتیا ولایت د جاني خیلو په ولسوالۍ کې د افغان ځواکونو په یو مرکز خونړی برید شوی دی.
د پکتیا ولایت نه د ترلاسه شوي رپوټ له مخې طالبانو تیره شپه د جاني خیلو په ولسوالۍ کې په یوې پوځي هډې ډله ایز برید وکړ چې په پایله کې د ۱۳ تنو د ملي اردو سرتیرو او ۳ تنو سیمه ایزو پولیسو ژوند د لاسه ورکړی او تر ۱۵ ډیر ټپیان شوي دي.
د پکتیا ولایت د والي ویاند د برید پخلی کړی دی چې طالبانو تیره شپه د جاني خیلو په ولسوالۍ کې په پوځي هډې برید کړی دی.
هغه ویلي دي چې د طالبانو لخوا پر پوځي هډې د برید نه وروسته قوي نښته رامنځته شوې چې په ترڅ کې ۲۸ تنه طالب اورپکي وژل شوي او ۹ تنه نور ټپیان شوي دي.
طالبانو بیا د جاني خیلو د ولسوالۍ د نیولو ادعا کړې ده .
د طالبانو ویاند ذبیح الله مجاهد د یو بیان په خپرولو سره د پکتیا ولایت د جاني خیلو ولسوالۍ د نیولو ادعا کړې ده .
هغه پدې برید نښته کې د ۳۰ تنو پوځیانو د وژلو ادعا کړې ده .
افغان چارواکیو د طالبانو دا ادعا په کلکه توګه رد کړې ده او ویلي دي چې د جاني خیلو په جګړه کې طالبانو ته ستر ځاني زیان اړولی دی.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی