په مزار کې د ملکي وګړو پر موټر چاودنه وشوه
د افغانستان په شمال کې په مزار شریف کې چاودنې د یوې کورنۍ ۱۳ تنو غړیو ته مرګ ژوبله واړوله.
د مزار شریف نه د ترلاسه شوي رپوټ له مخې دا پیښه د نن د سهار په وختي ساعتونو کې د شولګرې په ولسوالۍ کې رامنځته شوې ده .
د شولګرې د ولسوالۍ د امنیې سرپرست قومندان خبري رسنیو ته ویلي دي چې نن چارشنبه د سهار په پنځو بجو او ۳۰ دقیقو د ملکي وګړو په یو موټر چاودنه وشوه.
هغه ویلي دي چې چاودنه په یوې سراچه ډوله موټر چې د یوې کورنۍ ۱۳ تنو پکې سفر کولو شوې ده .
د هغه په وینا پدې پيښه کې ۶ تنه مړه او ۷ تنه نور ټپيان شوي دي.
چاودنه د ملکي وګړو په موټر د سړک په غاړه ځای په ځای شوي ماین د چاودنې له امله رامنځته شوې ده .
هغه ویلي دي چې پيښه د شولګرې ولسوالۍ د قوچ قزل په سیمه کې رامنځته شوې ده.
د پیښې په قربانیانو کې ښځې او ماشومان هم شتون لري.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی