طالبانو د بادغیس  ولایت  په ابکمري ولسوالۍ یو ځل بیا پراخه  بریدونه کړي دي.

طالبانو پر بادغیس کې د ابکمري په ولسوالۍ پراخه بریدونه کړي

997341
طالبانو د بادغیس  ولایت  په ابکمري ولسوالۍ یو ځل بیا پراخه  بریدونه کړي دي.

طالبانو د بادغیس  ولایت  په ابکمري ولسوالۍ یو ځل بیا پراخه  بریدونه کړي دي.

د بادغیس  ولایت نه ترلاسه شوي رپوټ کې ویل شوي دي چې طالبانو تیره شپه  یو ځل بیا په ابکمري ولسوالۍ برید وکړ چې وروسته سخته نښته وشوه.

په نښته کې  د ۱۵ تنو پاڅون کوونکو د وژل کیدو نه خبر ورکړ شوی دی. ویل کیږي  پاڅون کوونکي  د افغان ځواکونو  مرستې ته تللي وو چې  د طالبانو لخوا وژل شوي دي.

د بله پلوه  نن  د سهار په ساعتونو کې  د جګړې په سیمه کې  د چاودنې نه هم خبر ورکړ شوی دی.

ویل کیږي کله چې جګړه پایته ورسیده  د سهار په ساعتونو کې  د سیمې خلک  د مړو د انتقال په خاطر  ولاړ  چې  د یو مړي لاندې  ځای په ځای شوی ماین وچاودید.

پدې پیښه کې دوو تنو ملکي وګړو ژوند  د لاسه ورکړ.

د بادغیس والي عبدالغفور ملکري  د پیښې پخلی کړی دی  . هغه ویلي دي چې  طالبانو  تیره شپه  یو ځل بیا په ابکمري ولسوالۍ  پراخه بریدونه وکړل چې د امنیتي ځواکونو د سخت مقامت سره  مخ شول.

هغه زیاته کړې ده چې  طالبانو د بریدونو نه وروسته امنیتي ځواکونو  د هغوې په پټنځایونو او مرکزونو درانده هوايي بریدونه کړي چې  ګڼ شمیر  طالب اورپکي پکې وژل شوي دي.

والي ویلي دي چې  د هوايي عملیاتو په پایله کې طالبان په شا تګ او تیښتې ته  اړ شوي دي.

د یادولو وړ ده چې  طالب اورپکو  درې ورځې مخکې د بالامرغ آب په ولسوالۍ کې د امنیتي ځواکونو  په یوې پوستې د برید او وروسته  تازه دمو راغلو ځواکونو ته  د کمین د نیولو په پایله کې  ۳۰ تنه  افغان سرتیرو ژوند د لاسه ورکړی وو.



اړوند خبرونه