ظالمانو د روژې مبارکې میاشتې په دویهه ورځ د جلال آباد ښار په وینو ولړه
په جلال آباد کې د څو پرله پسې چاودنو کې تر ۵۰ ډیرو کسانو ته مرګ ژوبله واوښته
د افغانستان په ختیځ ولایت ننګرهار کې د کرکټ په لوبغالي کې د تیرې شپې د پر له پسې چاودنو د مرګ ژوبلې وروستۍ شمیره اعلان شوه.
د ننګرهار ولایت د رسنیو د دفتر لخوا د خپور شوي بیان له مخې تیره شپه د ننګرهار ولایت په مرکز د جلال آباد ښار د لومړۍ ناحیې په مربوطاتو کې د بهسودو پل ترڅیرمه د کرکټ په لوبغالي کې په ځايي وخت د شپې په ۱۱ بجو او شلو دقیقو څو پله پسې چاودنې وشوې چې په ترڅ کې اتو تنو ژوند د لاسه ورکړ او ۴۵ تنه نور ټپیان شول.
په خپور شوي بیان کې راغلي دي چې په وژل شوو کسانو کې د ننګرهار ولایت د وطنپاله ځوانانو په نامه د مدنې ټولنې مشر او د لغمان ولایت د ښاروال مرستیال هم شتون لري.
د بیان له مخې د ټپیانو نه ۷ تنه د درملنې نه وروسته رخصت شوي او ۳۷ تنه نور په روغتونونو کې تر درملنې لاندې قرار لري.
د برید مسئولیت تر اوسه پورې چا په غاړه ندی اخیستی .
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی