د افغانستان په پلازمینه کابل کې چاودنه وشوه.
په کابل کې چاودنه وشوه
د افغانستان په پلازمینه کابل کې چاودنه وشوه.
د کابل نه د ترلاسه شوي رپوټ له مخې د پولیسو د شپږمې حوزې په مربوطاتو کې د د عبدالعلي مزاري د جومات په مخکې چاودنه شوې .
ویل کیږي چاودنه د پل سوخته په سیمه کې شوې ده .
د کابل نه د ترلاسه شوي رپوټ له مخې چاودنه پداسې حال کې شوې ده چې د وحدت ګوند د پخواني مشر عبدالعلي مزاري د تلین مراسمو دوام درلود.
د مزاري د تلین په مراسمو کې د افغانستان د اجراییوي ریاست مرستیال محمد محقق سربیره یو زیات شمیر پيژندل شوو څیرو ګډون کړی وو.
پداسې حال کې چې د افغانستان د کورنیو چارو وزارت ویاند نجیب دانش پدې پیښه کې د ۷ تنو د وژل کیدو او ۷ تنو نورو د ټپي کیدو نه خبر ورکړی دی خو عیني شاهدانو بیا د مړو شمیره ددینه لوړه ښودلې ده .
د افغانستان د ملي روغتیا وزارت بیا پدې پیښه کې د ۷ تنو د وژل کیدو او ۲۳ تنو د ټپي کیدو نه خبر ورکړی دی.
د بله پلوه د کورنیو چارو د وزارت مرستیال ویاند نصرت رحیمي بیا ویلي دي چې ځانمرګي برید کوونکي غوښتل چې د عبدالعلي مزاري د مړینې د ۲۳م تلین په خاطر په جوړو شوو مراسمو برید وکړي خو هدف ته د رسیدو نه مخکې ځان ولوزو.
د هغه په وینا ځانمرګي برید کوونکي د تلین د مراسمو په ۳۰۰ مترۍ کې د لومړني امنیتي کمبربند ترڅنګ ځان چولی دی.
ویل کیږي د چاودنې سره سره د مزاري د تلین د لمانځنې مراسمو دوام وکړ.
د برید مسئولیت تر اوسه پورې کومې ډلې په غاړه ندی اخیستی.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی