په ننګرهار ولایت کې د تیلو په ټانکر کې چاودنه وشوه.
په جلال آباد کې چاودنه وشوه
په ننګرهار ولایت کې د تیلو په ټانکر کې چاودنه وشوه.
د ننګرهار ولایت د رسنیو دفتر لخوا په خپره شوې خبرپاڼه کې راغلي دي چې پيښه د جلال آباد تورخم په لویه لاره د بهسودو ولسوالۍ اړوند په رینګ روډ په دوه لاره کې رامنځته شوې ده .
د ننګرهار د والي ویاند عطاالله خوګیاڼي خبري رسنیو ته ویلي دي چې پیښه په ځايي وخت د سهار د شپږنیمو بجو په شاوخوا کې رامنځته شوې ده . هغه ویلي دي چې چاودنه د مقناطیسي بم د چاودنې په پایله کې رامنځته شوه. د چاودنې نه وروسته د تیلو ټانکر اور واخیست چې د اور لمبې د ټانکر تر څیرمه دوکانونو ته خورې شوې.
د خوګیاڼي په وینا پدې پيښه کې لږ تر لږه ۳۰ دوکانونه سوځیدلي دي. پدې پيښه کې د سیمې دوکاندارانو ته په میلیونونو افغانۍ زیان اوښتی دی.
خوګیاڼي ویلي دي چې پدې پيښه کې دوه تنه مړه او دوه تنه نور ټپیان وشي دي.
د بله پلوه د ننګرهار ولایت د اور وژنې د ادارې مشر خبري رسنیو ته ویلي دي چې د اورلګیدنې د رامنځته کیدو نه سمدلاسه وروسته د اور وژنې ډلې سیمې ته رسیدلي دي او د اورلګیدنې په مړولو يي پيل کړی دی.
هغه ویلي دي چې د اورلګیدنې تر نیم ساعت ډیر دوام پيدا کړ او د ۷ بجو په شاوخوا کې تر کنټرول لاندې ونیول شو.
د پيښې مسئولیت تر اوسه پورې چا په اړه ندی اخیستی.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی
