په کابل کې د داعش تر ټولو لویه د وسلو او مهماتو زیرمه کشف شوه
د افغانستان په پلازمینه کابل کې د داعش ترهګرې ډلې اړوند د وسلو او مهماتو تر ټولو لویه زیرمه او ترهګرو پټنځای کشف شو.
د افغانستان په پلازمینه کابل کې د داعش ترهګرې ډلې اړوند د وسلو او مهماتو تر ټولو لویه زیرمه او ترهګرو پټنځای کشف شو.
د افغانستان د ملي امنیت ریاست ویلي دي چې د پلازمینې کابل د پنځمې امنیتي حوزې په مربوطاتو کې د قلعه واحد په سیمه کې د داعش ترهګرې ډلې اړوند یوه ډیره لویه د وسلو او مهماتو زیرمه او د ترهګرو پټنځای کشف کړ.
ملي امنیت ویلي دي چې داعش ترهګرې ډلې به ددې وسلو او مهماتو نه په ترهګریزو بریدونو کې کار اخیسته.
همداشان ویل شوي دي چې د داعش ترهګرې ډلې د تیرې ورځې برید کوونکي هم په همدې پټنځای کې اوسیدل.
د ویلو ده چې داعش ترهګرې ډلې تیره ورځ د پلازمینې کابل د پنځمې امنیتي حوزې په مربوطاتو کې د ۱۱۱مې فرقې په یو کنډک ډله ایز برید وکړ چې په ترڅ کې ۱۱ تنو د ملي اردو سرتیري مړه او ۱۶ تنه نور ټپیان شول.
د افغانستان امنیتي ځواکونو پدې برید کې د پنځو تنو برید کوونکو نه یو تن ژوند ونیول او ۴ تنه ترهګر يي له خپو وغورځول.
همداشان ګمان کیږي چې ملي امنیت ریاست د وسلو او مهماتو دا زیرمه هم د نیول شوي ځانمرګي برید د اعترافاتو په پایله کې کشف کړي وي.