په کابل کې د ۱۱۱مې فرقي په یو کنډک ډله ایز برید وشو
د افغانستان په پلازمینه کابل کې د مارشال فهیم حربي پوهنتون ترڅنګ د ۱۱۱مې فرقې په یو کنډک ډله ایز برید وشو.
د افغانستان په پلازمینه کابل کې د مارشال فهیم حربي پوهنتون ترڅنګ د ۱۱۱مې فرقې په یو کنډک ډله ایز برید وشو.
د افغانستان د ملي دفاع د وزارت ویاند دولت وزیري خبري رسنیو ته ویلي دي چې برید د مارشال فهیم حربي پوهنتون ترڅنګ د ۱۱۱مې فرقې اړوند په کنډک شوی دی.
هغه ویلي دي چې برید د پنځو تنو برید کوونکو لخوا شوی دی.
لومړی یو تن برید کوونکي د پوهنتون په دروازه کې ځان وچولو او نور یوې زیرزمینۍ ته ننوتل او د هغه ځای د امنیتي ځواکونو سره په نښته کې ښکیل شول.
د ملي دفاع د وزارت ویاند په خپره کړې خبرپاڼه کې ویلي دي چې امنیتي ځواکونو ۴ تنه برید کوونکي له خپو غورځولي او یو تن بل يي ژوندی نیولی دی. نښته د وروستي ترهګر د وژلو سره پایته ورسیده.
نښته د افغانستان په ځايي وخت د سهار د پنځو بجو شاوخوا ته پیل شوې وه.
ویل کیږي پدې برید کې ۱۱ تنه د ملي اردو سرتیري وژل شوي او ۱۶ تنه نور ټپیان شوي دي.
د یادولو وړ ده چې دا د یوې اوونۍ په دننه کې په کابل کې دریم ډله ایز برید دی چې ترسره کیږي.
لومړی د انټرکانټنینټل پر هوټل ډله ایز برید وشو . د تیرې خالي په ورځ د کورنیو چارو د وزارت د پخوانۍ ودانۍ ترڅنګ د جمهوریت روغتون په مخکې ځانمرګی برید وشو چې له امله يي تر سلو ډیرو کسانو ژوند د لاسه ورکړ او نږدې ۲۰۰ تنه نور ټپیان شول.
نن بیا په کابل کې د مارشال فهیم په حربي پوهنتون ډله ایز برید وشو.
د برید مسئولیت د داعش ترهګرې ډلې په غاړه واخیست.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی