ولسي جرګې د ولسمشر غني د کابینې ۱۱ وزیرانو ته د باور رای ورکړه
د افغانستان ولسي جرګې د ارګ لخوا ورته د معرفي شوو ۱۲ تنو نوماند وزیرانو نه ۱۱ تنو ته د باور رایه ورکړه.
د افغانستان ولسي جرګې د ارګ لخوا ورته د معرفي شوو ۱۲ تنو نوماند وزیرانو نه ۱۱ تنو ته د باور رایه ورکړه.
د افغانستان ولسي جرګې نن د ولسمشر لخوا ورته معرفي شوو ۱۲ تنو نوماند وزیرانو ته د باور د رای ورکولو په خاطر عمومي غونډه وکړه.
ولسي جرګې پدې رای اچونه کې د ملي دفاع ، کورنیوچارو، سرحداتو او قبایلو، اقتصاد، مخابراتو او معلوماتي تکنالوژۍ، د کلیو او پراختیا، ټرانسپورت، لوړو زده کړو، کار ټولنیزو چارو، شهیدانو او معلولینو ، ټول ګټو نوماند وزیرانو ته د باور رای ورکړه.
ولسي جرګې د کانونو او پطرولیم وزارت لپاره نوماندې نرګس نهان ته د باور رای ورنکړه. نرګس نهان د ۱۰۷ رایو په ترلاسه کولو سره ونه توانیده چې د باور رای ترلاسه کړي.
د ویلو ده چې پدې رای اچونه کې ولسي جرګې تر ټولو زیاته د باور رای د کورنیو چارو نوماند وزیر ویس احمد برمک ته ورکړې. ویس احمد برمک د ۱۷۳ رایو په ترلاسه کولو سره د کورنیو چارو د وزیر په توګه وټاکل شو.
همداشان د برمک نه وروسته د سرحداتو او قبایلو وزیر ګل اغا شیرزي ۱۵۸ رایې، د اقتصاد وزیر ۱۵۵ ، د ټرانسپورت وزیر ۱۴۹ رایې ، د ملي دفاع وزیر ۱۴۱ رایې ، د کار او ټولنیزو چارو وزیر بیا ۱۲۶ رایې، د لوړو زده کړو وزیر بیا ۱۲۴ رایې ترلاسه کړې. همداشان د مخابراتو او معلوماتي تکنالوژۍ وزیر د ۱۱۵ رایو سره وتوانید چې د باور رای ترلاسه کړي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی