په جلال آباد کې د پاکستان د قونسلګرۍ کارکوونکی ووژل شو
د افغانستان په ختیځ کې په ننګرهار ولایت کې د پاکستان د قونسلګرۍ د قونسلي چارو د څانګې کارکوونکی ووژل شو.
د افغانستان په ختیځ کې په ننګرهار ولایت کې د پاکستان د قونسلګرۍ د قونسلي چارو د څانګې کارکوونکی ووژل شو.
د جلال آباد نه د ترلاسه شوي رپوټ له مخې د پاکستان د قونسلګرۍ د قونسلي چارو دا کارکوونکی تیره شپه د نامعلومو کسانو په وسله وال برید کې وژل شوی دی.
د بله پلوه پاکستان په افغانستان کې د خپلې سیاسي نماینده ګۍ د کارکوونکي وژل کیدل په کلکه توګه غندلي دي.
د ننګرهار ولایت د والي ویاند عطاالله خوګیاڼي خبري رسنیو ته ویلي دي چې د پاکستان د قونسلګرۍ کارکوونکی نایار اقبال رانا چې د ۵۲ کلونو عمر وو پرون د ماښام په ساعتونو کې خپل کور ته نږدې د دوو تنو نامعلومو کسانو په ډزو کې وژل شوی دی. هغه ویلي دي چې نوموړی د کور ترڅنګ د سودا اخیستو لپاره بازار ته تللی وو چې د نامعلومو کسانو په برید کې ووژل شو.
هغه ویلي دي چې پولیسو د قاتلینو د تثبیت او نیولو په خاطر پراخه څیړنې پیل کړي دي خو تر اوسه پورې پدې تړاو څوک نیول شوي ندي.
د بله پلوه د پاکستان د بهرنیو چارو وزارت په اسلام آباد کې د افغانستان سفارت ته نوټ ورکړی او برید کوونکو د نیولو او قانون منګولو ته يي د سپارولو غوښتنه کړې ده.
پاکستان د افغانستان د حکومت نه په خپل هیواد کې د پاکستاني ډیپلوماټانو او د سیاسي نماینده ګیو د کارکوونکو د قوي امنیت د نیولو غوښتنه کړې ده .
د برید مسئولیت تر اوسه پورې چا په غاړه ندی اخیستی.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی
