په كاپيسا كې د يو خونړي ځانمرګي بريد مخه ونيول شوه.
افغان امنيتي ځواكونو د كاپيسا د ولايت د تګاب په ولسوالۍ كې دوه تنه ځانمرګي هدف تر رسېدلو وړاندې وژلي دي.
786121
د ۲۰۱ سېلاب قول اوردو د چارواكو د معلوماتو پر اساس بريدګرو هڅه كوله چې د ملي اوردو د موټرو پر كاروان باندې بريد وكړي چې هدف ته تر رسېدلو وړاندې تشخيص او وژل شوي دي.
ويل كيږي چې بريدګر پر موټر سايكل سپاره ول او د ملي اوردو د موټرو پر كاروان يې د بريد هڅه كوله.
د امنيتي سرچينو د معلوماتو پر اساس د دواړو بريدګرو چاوېدونكي مواد چاودلي دي چې په پېښه كې امنيتي ځواكونو ته زيان نه دى رسېدلى.
تر اوسه پورې د طالبانو په ګډون نورو اورپكو ددې پېښې پخلى نه دى كړى.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی