په كابل كې د ملي اوردو پر كاروان ډله ايز بريد
د كابل ولايت د خاك جبار د ولسوالۍ په مربوطاتو كې د ملي اوردو د ځواكونو د موټرو پر كاروان باندې د يو كمين په پايله كې ډله ايز بريد شوى دى.
د كابل ولايت د خاك جبار د ولسوالۍ په مربوطاتو كې د ملي اوردو د ځواكونو د موټرو پر كاروان باندې د يو كمين په پايله كې ډله ايز بريد شوى دى.
دا پېښه تېره شپه ناوخته په داسې حال كې رامنځته شوې ده چې د ملي اوردو او يو شمېر پوليسو د موټرو كاروان د لوګر ولايت پر لور د تصفيوي عملياتو په موخه روان وو.
د دفاع وزارت پېښه تاييد كړې ده او څرګنده كړې يې ده چې په متقابلو ډزو كې ددې طالب اورپكو ته درنده مرګژوبله اوښتې ده. د بله پلوه سرچينې وايي چې په دې كمين كې لږ تر لږه دوه تنه افغان سرتيري وژل شوي او او درې نور ټپيان دي.
همداراز ويل كيږي چې د بريد پر مهال د افغان ځواكونو شاوخوا ۲۰ موټرانو او زغروالو وسايلو ته اور اچول شوى دى خو د دفاع د وزارت سرچينو دا معلومات تاييد كړي نه دي.
د دفاع د وزارت وياند وايي چې د پېښې د څېړنې په موخه يو پلاوى سيمې ته لېږل شوى دى.
دا لومړى ځل دى چې د كابل د ولايت په مربوطاتو كې د ملي اوردو د موټرو پر كاروان باندې ډله ايز بريد كيږي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی
