په بلغاریا کې د بس د چپه کیدو له امله ګڼ شمیر افغان کډوالو ژوند د لاسه ورکړ

 په بلغاریا کې  د یو بس د چپه کیدو له امله  لسو تنو افغان او پاکستاني  کډوالو ژوند د لاسه ورکړ.

د بلغاریا  د پولیسو  د معلوماتو له مخې پيښه  د نوموړي هیواد د پلازمینه  صوفیا سویل ختیځ لوري ته په  سل کیلومترۍ کې  پروت د پازارجک  په ښار کې رامنځته شوې ده .

د پولیسو د معلوماتو له مخې  پیښه د ډیر زیات سرعت  له امله  رامنځته شوې ده . موټر چلوونکي  د موټر کنټرول د لاسه ورکولو نه وروسته  موټر  چپه شوی دی.

په پیښه کې  ۱۰ تنو ژوند د لاسه ورکړی  او ۷ تنه نور ټپیان شوي دي.

پولیسو ویلي دي چې د موټر چلوونکي  ۱۶ کاله عمر  درلود  او د موټر چلوولو لایسنس  يي هم  نه درلود. د موټر چلوونکي هم  پدې پیښه کې ژوند د لاسه ورکړی دی.

پولیسو ویلي دي چې  د پیښې د قربانیانو سره د پيژندۍ په خاطر هیڅډول اسنادو شتون نه درلود . د پیښې د ټپیانو نه یو تن پولیسو ته ویلي دي چې  د پیښې قربانیان  د افغانستان او پاکستان وګړي دي چې ډیری  افغانان دي.